Se aonte,

Nô contóde nôs desusper, nôs tristeza

Se um vez bôs fidje tabai

Sem raméd pa terra  longe

Se otrora,

Nôs distino era largód na mon de vento

Caminhe d’mar era um recurso,

Pa nôs sofrimento

Era na temp de dominaçon de stranger

Ma hoje

Na liberdade, co distine na nôs mon,

Nô ti t’abri caminho,

Pa nôs grande felicidade,

Sombras de mal, ‘sta longe de [E/]bô

Nôs céu  já clariâ,

E um novo sol ‘spandi sê luz.

Se aonte,

Nos é perdide na meio de mar, sem razon

Nôs nome n’era conxide,

Pa nenhum banda que nô bai

Se otrora nôs dignidade

Era vendido, pamó miséria

Nô guentá tudo ês desgraça,

Sempre co fé nalgum dia

Era na tempe de dominaçon de ‘stranger

Ma hoje

Na liberdade, bôs fidje, caboverdiano

Ti ta mostra mundo sês real capacidade

Na alvorecer de cada dia

Nô ta construí um pátria linda

Espeióde na simbolo de nôs nome