Cumadri Monzinha
Nha dexâ di arenga
Caldo tchitcharinho
Câ tem lenga-lenga .

Nha pôl um adjo
Nha rapical malguêta
Quanto mâs ágo
Tâ caim nês dieta .

Na carro Toyota
N pidi um boleia
Cu bolsa fatiota
N bai tchad baleia .

N bem cu banana
Qui custam catarro
Pâm bem basta gana
Di Caldo tchitcharo .

Djam gosta di pêxe
Câ faltam paladar
Cuma n crê pêxe
Só si mora na mar…

Cu grogo na meio
Más petite tâ solta
Cum panela cheio
N ta distranca volta !…