Ó  mar q’ta bai di norte pa sul

Falam’ quês gente na Mindelo

C’ma estrangêr ê um ilusão

Pa mó ês tchá d’armá castelo na ar

Pa mô êss vidinha di mar

Li na estrangêr ta matá

Ês pensá

Li na estrangêr ê um paraíso

Gente ta ganhá dnhêr sem culmiss

Sem troment sem cansêra

Ó mar nha testemunha singular

Qui ta conchê nha sodade

Nêss vida di dificuldade

Pa nha cretcheu

Fazêm’ um grande favor

Leval’ um bêjo di meu

E bô flam’ el co ardor

C’ma  um’ tem levód friu

E amargura nêss vida

Longe di família

Sem sê bêjo di querida