Ca nô estragâ nôs paraíso

Êss jardim  que nô plantâ

Na mei de dor e miséria

E na harmonia de nôs cultura

De barlavento e sotavento

Um fresca brisa de paz

Na mistura de nôs criôlo

Nô pegâ nôs violão

Nô saí junto num serenata

E na doçura d’um mi menor

E na quentura d’um sol maior

Nô cantâ nôs sentimento

Ca nô estragâ ês maravilha de natureza

Qu’ê espaiode na meio de mar

Ta uní nôs coração

Êss sentimento q’nô tem na peite

Êss pensamento qu’ê d’nôs tude

Nô tchâ flori ês jardim

Nô regâ quês cantêr

Pa cada flor que nascê

É Cabo Verde tâ crescê

Ca nô poluí ês mar sereno e cristalino

Que na pulsar d’sês onda ta uní nôs coração