Se na mundo tem morna e morna dedicód
Qónt morna q’bô ta mereçê
Se beleza ta trazê inspiração
Esse bô beleza, que ê más qu’um  belo horizonte
Enfeitód c’um bom pôr do sol
Ou um arco-íris mut bem destacód.

Amim djam cria ser poeta
Pám fazê um mar de poesia
Pá m’ compará ess bô beleza qu’natureza
Parsem nem mar, nem lua cheia
Nem sol brilhante, nem noite serena
Ta compará co formosura de bô corpo.

Pombinha mansa de odjos meigos sem maldade
Bô corpo formoso mas sem vaidade
T’armá qu’ess bô sorriso inocente
Sorriso doce que ta despertá alguém ambição
Nem se for deboche de tud humilhação
M’ crê conquistá bô coração.