Oxi n’korda cedu,n’djobi pa ceu

É mostran sinal,ma txuba ta ben

 

 

Tenpu sta bafádu,sol sta sukundidu

Brufa sa ta pinga,ma txuba ta ben

 

 

Si nu cimia ku sperança

Txuba ta ben

Si nu monda ku koragi

Txuba ta ben

 

 

Senpri ki nu djunta mô Nu pega na n’xada

Nu monda nôs téra,kumida ta da

 

 

Armindu ku Xoba

Matia ku Mimozu

Koragi fitxadu, kumida ta da

 

 

Ai se txuba ben

N’ta poi nha kasa bedja

Ai se txuba ben

N’ta da missa Sant’Antoni

Ai se txuba ben

N’ta kasa nha fidju fémia