Letras e Cifras

Ess vida ta c’ma um navio

sem rumo e sem distino

vida de criol ê navegá

ness mar sem fim

um viaja sem rumo

um viaja ruim

um viaja sem graça

e sem um ligria de navegador

Nôs vida foi sempre assim

ness mar sô de amargura

um vida na balança

sem contrapeso ê um criatura

pesal um dia pesal mansim

dal sê ligria

lembra cma el ê sofredor

Oh munde

se algum dia bo muda de rumo

mudal q’ conciência

mudal q’justiça

troca de navio ma tambem de tripulaçon

trocal que consciencia

trocal que razon

Se vive ê um missão

Se vivê ê cumpri um destino

j’al cumpri d’seu

Gora faltal ê sô morrê

J’al crê tchorá

J’al crê sô gritá

Gritá que tudo força

Gritá tudo sê sofrimento

Ess munde ê um munde ingróte

Munde triste oh que munde de maldade

Um munde de folia um munde tristeza e sem ligria

Um munde sem paz

Um munde só de tormente

Ess munde de agora ca conchê um sentimento

Oh sol de sol Cabo Verde

Sol d’one 2000

Lembrá de nha terra

Lembra de ses gente

Espalhá bôs raios

Ma espalhas q’mas alegria

Espalhas q’certeza ma pa tudo gente