Arquivo da categoria Boa Vista

Poradmin

Viagem d’morabeza – Tiolino

Ba Bafarera az dom

Ba pa Stanxa az dom aran

Stanxa d boxe az dom

Morabeza d nha txon, morabeza dnha pov

Ba Rabil az dom

Ba pa Port az dom aran

Na Spinguera m lembra

Morabeza d nha txon, morabeza d nha pov

Ma é asim ké nha ilha, el é asim

Ma assim ké Bubista, el é assim

El é assim, el é assim….

Kabesa Tarafes az dom

Fundazkera az dom aran

Jon Galeg az dom

Morabeza de nha txon, morabeza de nha pov

Santa Isabel az dom

Sanjon Baptista az dom, aran

Na ilha Bubista az dom

Morabeza de nha txon, morabeza de nha pov

Poradmin

Txan – Tiolino

Odja mader

Odja siod d pret

Bons temps akez kum passa

Ta koré txan t salta traz d kabrit

Pa ka mama p pode antxi barkin

Pa ka perde pa rabonhe ka fka pikninh

Farinha d pau ka ta falta na sok

T spera skuma oh um gzinha d leit oh k era txeu

Ma nem tud jent ka ta fkaba tão kontent

Ma nem tud jent ka ta tinha ez prazer

Ma txan txan txan

Sbiu sbiu sbiu

Pedra pedra pedra aran

Rex rex rex

Poradmin

Só pa festa – Tiolino

Antigamente na nha zona na méz d maio

Era um  kurida, um fadiga pa tud lod

Era pa txada pa traze amdjor kapod

P pó na kaza pa panha sibinhe na odj

É só pa festa, é só pa festa, é só pa festa ma i festa de nha Sanjon

Ti Pedro ktinha na Merka um prim ingrot

Gasta tinta, temp, kaneta i sez mil rez

T pdi um fatinhe pa d vez enkuant

Mó kel pritinh já está velho i ta da brau

É só pa festa….

Eu tinha um primer prim de lovar a Deus

Não perdoava rob d saia k passal pa frente

Hora k vra pa festa era um kuitod

Mó só txer d grog era bastante pa nagatial

É só pa festa….

Mi ma nha kumpad dja tiv té kaz

De senta ta txora, txora, txora pamod grog

Ma mi ma nha kumpad dja tiv té kaz

De senta ta txora, txora, txora pena de grog

…..

Sanjon má Sanjunzinhe um koza só

Kanja, guizod, botxada, gata a vontade

3 moradinha tud xei d jent

Txgod na burr, kabol, kaminhão oh k pé na txon

Poradmin

Salta janela – Tiolino

Odja Titia dja txga na serk

Amdjor bu ba t antra p dent

Mandod ainda t tud na txon

Pamod bu kre só triviment

Sel panhob li destraid, kuitadinhe dbu korpinhe

T fka uns dias sem izibi, pamod el tem mon pezod

Ma tass tass t panha dum lod

Trup trup t pulta d kelot

Ez vidinha txal sei pum lod

Salta janela dote lod

Pamó kurpinhe tita ferbeb

Kuidod pa ka parse koross

Poradmin

Rua direita – Tiolino

Ma rua dreita dja ka moda um bez

Onde k dnutinha tá junta noz bedj

Um kont dali, um zanga mó fjer

Tah mistura k txer d pitrol d kander

Kmad Julia d ká Tinton sem papa na língua t konta tud dia

Kem rasebé karta aont ma ka kriz kaza mó iá dum kutadinhe

Rua d serenata, kta trazé ligria ma kta txa sodad

kta  junta jent pamod zaragata

P ubi nuvidad, até pa da show

Ma rua dreita dja muda dum béz

Até pitrol já ka é o k era

Em vez dmau txer, agora el é p amdjer

Em vez d kander i pa kamba pa dent

Midj na bols era koza dum béz

Spiga dmidj agora i um garrafinha

Serenata dja bra té p amdjers

I du ktud dia t kexa noz bedj

Poradmin

Pidrinhe – Tiolino

Home i kel ka ta txa família nem sang perdé

Kta pó amdjer dena kaza pa rasa podé manté

Assim t flaba mi nha vô Manel

Ma mi kutadinh,  tem txeu temp kum larga terra

Idade dja entra na korp, sum ka spatxa, mka ta txga la

M resolve skrebé prim Jon, home d odj ragalod

Pal spiom um kriatura, pal mandom si ratrot i se for boa pessa pode marka kazament

Ka passa nem um méz mi Pidrinhe dja tá kazod

Mka pud sta prezent ma nha prim tá la pa mi

T lembrom mo na vezpra, Djinha tá kanta

Iá Pidrinhe, oje i ki bu dia

Ninguém ka dob, Nô Sr i kdob oh k sab

Um one i mei dpoz, Pidrinhe txga na terra

Primera koza kel fazé foi manda pta um bóne

Atensão, atensão  população d Jon Galeg

Iá jent d Jon Galeg, Pidrinhe manda fla mó djal txga na terra

Grog na sé kaza ta avontad

Pidrinhe dja txgaaaaaa

Flipa, nha amdjer, d fakt era d lovar a Deus

Al mata 3 kapod pa rasebé si jantome motx

I durant nhas 2 méz m mostral kem k era mi

Dpoz k volta pa faina era tud dia t spera nutisia

Moh mtinha kuaz serteza mó marka fka p traz

Ka passa nem 5 méz, txga nutisia mó era um rapaz

M fka tão kontent, kum fuska um data d béz

Mó Pixrinhe já é papa, Pidrinhe tem um rapaz

Na dia siguint m rasebé um karta de nha prim Jon

M pó um gin p frente pom alé na suseg, el flom

Meu prim, nossa rassa i dezgrasod ma bu ka t otxa mó bo i lijer?!

Bu pai manda flob  mó grasas a Deus, bo ma buz irmon bibe leit d vaka avontad

Ma kuaz só na bo i k marka dja fka

Pa fla verdade mka intendé mó mi mtaba tão kontent

Mó Pidrinhe já i papa, Pidrinhe tem um rapaz

Poradmin

Pápa k let – Tiolino

Um bokod tard na mei d mas um faina

Bem gazaliod p tenta angana friu

T anda poron, dum pontana ote

M antxi d koragem p lembra um bukadinhe

Caminhadas kum tá fazé log sidinhe

Na matxinhe pret, fidj d melod d Ti Jon

Pa b abra kabra p antxi barkin d let

Oh pá ranja um féxe d kmida d bitx, fazem lembra

Oh nha pápa k let

D midj bronk oh d midj d terra

Oh nha modj angrão

D badjindj oh d kadjau

Kamoka k let d sok

Sarodj k péx salgod

M prometé mi méz na kel moment

Panha kaneta ma papel log sidinhe

Pa proveita kumpad Lela de Ti Kai

Pa libom titia 2 rigrinha ta flal

Dom matxinhe pret si bandeja d mantenha

Ptom kokerona siz 2 lata d água

Pom tem sombra hoh kum txga na terra

Pom sinta traz d noz porton

T assa midj, t assa txitxor

Kum litr d sorr pa mata sed oh nha mãe

Oh nha pápa k let….

Poradmin

Nô bem fala – Tiolino

Irmon txga li, senta li sim, pa nô bem fala um gzinha

Djom t fort d ubiz ta fla, k nha terra é pobre, kel é pikninh

Já ktud é relativ, tem txeu rikeza ké mãe de mizéria

Já ktud é relativ, tem txeu rikeza ké mãe de pobreza

Imajina uns temps atraz, ta txi vnida marjinal k brose kruzod pa traz

Lod a lod, Nhô Balta i Nhô Roque

I ta bem d boxe, Cabral i Nhô Eugénio

T sei dent d água Zé povinhe, Manel Lopes num konversa animod

Ai terra ej fala, nha terra ej konta, mãe terra ej xkrevé Cabo Verde

Ai terra ej fala……

Num sobd datardinha, fezta d one

Na ká Manel de Novas

Bana ma Cize primers é ktxga

Nacia Gomi parsé kompanhod k Ti Liz

Ildo lobo sirvi um whisky, kuidod na rusga, fort moda grog ( versão original não editada)

Ildo Lobo, Chico, Morgadinho entra t arri, Monsieur ez é kriol (versão editada)

I na porton k violão na peit, à kanadja na mund, Pantera kanta

Ai terra ej kanta, nha terra ej kanta, mãe terra ej kanta, Cabo Verde

Ez li né ser pikninh, não não

Ez li ka é ser pobre

Poradmin

Nha lament – Tiolino

Sentod na pasei de ká Ti Loi kurpinhe ratrusid, kara dzanimod

K vontade d komada kabesa ma i komplikod julbera t frod

Odj grilid na ká Ti Raul, já k na ká Lalone porá p el t ftxod

P arzibod ka mesté nem bai, mo riba dpapel sé nome t finkod

Jent pá para azmola

Jent pá kompra péx

Ma la na ká Ti Noba

La na ká Ti Lex

Xatiod djal volta pa mninz ktá t pta sez bone kata um vintém

Mandaz ba faze arenga la pa rua d traz pa ka inkomadal

Ma inda se bone era por ex t kuvda um home pa ba tma um kakinh

Em vez d iz i um repa repa  d ba para dalí ba kompra da la

…..

Ma karog ka iá parsé um kriston

Ma karog ka iá parsé um toston

Ma karog txom kanta nha lament

Ma karog txom kanta nha torment

Poradmin

Mãe Bubista – Tiolino

Òh kbu pó pé na Rabil

Kbu trasa rume pondé ki bai

Bu podé fka trankuil

Kbu ta na terra d jent jentil

Sbu kre kumsa pa um bonhe dmar

Fka na Rabil oh ba té Vila

Ma sbu kré odja viana, da um saltinhe té Stanxa d Boxe

Sbu kré ubi stória de santa mónica

Kompanhod kum palombitinha

Anton amdjor bu larga poss

Buba té Stanxa ubi sezjents

Bu ta na terra d morabeza

É mãe Bubista noz beleza

Bu ta na terra d morabeza

Sabura li bu tel d serteza

Jent gentil xei d morabeza

Bu t otxal na Bafarera

So kem ka bai ka ta sabe, so kem ka txga az ka ta fazé

Nha Santinha t libob té Nort, ka bu fazel dum asentada

Kmé um kijinh na Jon Galeg

Na Fundazkera bu t odja kadjau

Kabes’ Taraf kel moradinha Oh ez 3 junt t fazé noz Nort

Welcome!

Obrigado pela Visita.

 
Sabias que podes contribuir enviando letras????
Fico à espera!!!!
 
 

 

Obrigado.

Thank you