Notice: Undefined index: link_color_enable in /home/humbert4/public_html/cifras/wp-content/themes/appointment-blue/functions.php on line 29

Arquivo da categoria Boa Vista

Poradmin

Korda korda – Tiolino

Na ilha onde k antigamente

Kuaz tud home era k violão na peit

Xuradinha tá prindid log sed

Datardinha era mesm um prazer

Ubi som t sei korda korda

Splikod pa violão d noz bedjs

Ubi som t sei korda korda

Kompanhod pa violão dnoz bedjs

Ma nha bers foi sempre embalod

Pa sols mut bem dedilhod

Nhas grits foi um sempre testmunh d vontade d kontinua té oje

Ma nha bers foi sempre embalod

Pa valsa, galop, boleros

Nhas grits foi um sempre testmunh d vontade d kontinua té oje

T ubi som…

Pa ubi ka mistia konvit

Txeu ta stá sempre k sentid

Instruments i ktá imperia

Se não tá pirdid lugar

D ubi som…

Poradmin

Kompanher – Tiolino

Oh kompanher é sempre um prazer

Teb na nha peit pom sinti

Bo melodia lavom nha alma

Oh kompanher é sempre um prazer

Teb na nha peit pom sinti

Bu melodia kantom nha alma

Kum som agud, kum som grave

Kalopod, kompasod, presiod na tud moment

Oh kompanher…

Solta som dum korason

Kta pulsa na bo vibrar

K apaixona pa bu melodia

Oh kompanher….

Vibra d tristeza, vibra de sodade

Vibra som di dispidida, ma vibra som di um konsol

Oh kompanher…

Ma tlinh, tlinh, tlinh melodia

Tlinh, tlinh, tlinh not i dia

Tlinh, tlinh, rlinh na nha peit kompanher

Poradmin

Kaza – Tiolino

Bia dja antra na kapela de Nossa Sra de Piedade

Ters na mon, mágua na peit, fé na korason

Djack sé pai dja rasolvé kel ta ranjal marid

Anton i uns avé maria, pai nosso pa raza

Pa pai poderoz ka kazal assim

Pa Nhor Deus libral d ser kazod asiim

Kaza, kaza, kaza, kaza mka t kaza assim

Ka ta kaza assim , ka ta kaza assim

Ti Djack, Ti David mandom bem pergunta bosé

Uké kel t manda fla Djon sobre a mnina Bia

Flal mo grasas a Deus mi home dum konbersa só

Pal ka priokupa, el podé manda fla Djon

Mo Ti Djack dja fla k Bia t kaza sim

Kaza, kaza, kaza, kaza al t kaza sim

Al t kaza sim, al t kaza sim

Bia góh i tud dia dming k basora na mon

T baré solera de Nossa Sra de Piedade

T paga promessa t kantarola

Kaza, kaza, kaza, kaza mka t kaza assim

Ka ta kaza assim , ka ta kaza assim

Poradmin

Karta bensuod – Tiolino

Bia sentod, k mon na kexada na porta sentod

Kata um noba d sé fidj auzentod

Pal sabe mané kel tem pasod

Djon tem andod, karta li, karta la el tem entregod

Pa Bia só bom dia el tem dóde

Nadamaz katem el tokod

Éhh mund, éhhh mund, éhhh mund

Ah paxexnxa

Djon tem kontod k na sé vida nunka el tem odjod

Kriatura maz anguztiod, té korason tel fkod spadasod

El tem razod pa txga depressa um karta bensuod

Ké pal odja kel alma aliviod, pa kel korason fka susegod

Éhhh mund…

Nha fidj motx sei rapazinh pa ba koré riba água d mar

Pa ganha vida pa ajda jent aran

Nha fidj motx flod t pirdid, el ka da noba nem nutisia pa alegra nha korason

Poradmin

Ilha arenoza – Tiolino

Djom kria desfrutaba ainda de kalor dbuz bers , ilha arenoza

Em vez d stod t lamenta sodad dbo

Sé dfisil txob, mas dur é vivé lonj dbo

Ami djom kria, serum padoss dbuz rotxas

Passa bonansa i tempestade junt ma bô

Buá pombinha branka, fazé ez mensajem koré Kab Vert

Kumsa pa lé kel Sont sé orasäo

Sem sksé bonansa pa Brava ai ai ai

Para na Boa Vista, skuta kel morna dboxe d sez tambreras

Senti kel som d violão ké marka dnoz kultura

Terra d morabeza, terra di meu, terra dnoz tud

Oh Kab Vert mi m lrebu txeu ma Bubista mta adoral

Poradmin

Fé dum fidj – Tiolino

Kum malinha preta na mon

El amprestal na ká Ti Lela

Al tinha um kalsa, um kamiza i um blusão

I la na kont embrulh de speransa

Mãe Tanha garrod na Titia tá parseba temp das águas

Nha fidj korason ta pertod, ka bu sksé de fazé um rigrinha

Da tud patrise mantenha

Daz um abrass di terra

Flaz mo ragose di mãe velha inda ka kansa de nina pobreza

Ma mtem fé knô ta inkontra

Pa nô sinta té madrugada

T ubi storia de sakrifise i de um distine ká nô finta

Um fidj k koré stranjer inter pa odja si terra diferente

Té sol vra sorridente

El spadja ez fé na tud port

Da tud patrise…..

Poradmin

Eterno – Tiolino

Dritinh, dritinh t pta sé poss

Ba ta kria ktud amizade

Fazé 4 one pa prendé lé i podé deskrevé tud ez vivensia

Da jantome motx pa bem mostra

Mané kta lid i skribid sodad

Só pa ka sksid el txa rabent

Pa podé marka i txa prezensa

Noz tud najsé pa ba um dia pa iternidade

Ez fla mó é noz destin

Ez fla Nhor Deus assim fazel

Ma Al ka lembra pa kem t fka txa um konsol

Pa ka lembra k sodad, ké pa mingua sodad

Fidj dja bai pa ka bem mas

Fidjs katem sez papa maz

Fidj dja bai pa ka bem maaaaaz

Terra dja fka sem sé rapaz

Anjo di Ceu mta pidid

Lumial sez poss, enkaminhal

Pal tem um deskonse bem meresid

Pamod pa mi el é iternizod

Poradmin

Dilema – Tiolino

Kasta de vida i ez

Kta passa k txeu kriol

I para kum mon, garda kelot mon

Num filuzufia d prekave futur

Sem seker sabe sbu t viv manha

Tud ez prublimina

É dnhirinhe, dnhirinhe

Sbu katem kalminha

Kuidod na kanderinhe

Kasta de vida i ez

Kta passa k txeu kriol

I para kum mon larga kelot mon

Num filuzufia k vida i pa vivé

Já kbu ka sabe sbu t viv manhã

Tud ez prubliminha…

Kasta de vida i ez

Kta passa k txeu kriol

Kon mens ez fazé maz ez ta rasebé

Num filuzufia kéli ki ta da

Sem priokupa k sol podé parsé kuadrode

Kasta de vida i ez

Kta passa k txeu kriol

Moré dum lod pa ote kata fazé um tankinhe

Num filuzufia d antxil gota, gota

Sem sequer lembra k água ta koré i p mar

Poradmin

Bom Kriol – Tiolino

Mi kome um bom kriol

Ka ta nega um bom brankinha

Má mka ta dal xanse d tmom konta d mnhol

Mi kome um bom kriol

Ka ta nega um bom karninha

Seja el brankinha oh koradinha

Pur iz kome um bom kriol

Jdom sinti Kab Verd, jdom kanta Kab Verd

Pur iz moda um bom kriol

Moda mi ma bo nô kanta Kab Verd

Mi kome txeu  kriol

Ka ta nega um bom kold d péx

Um katxupinha guizod, papa k frijnot

Ma mi kome txeu bom kriol

Ka ta nega um bom mon d vaka

Kuzkuz, xerem, mka ta nega Kab Verd

Poradmin

Manuel Olimpio – Patrício Pereira

Quem crê sabê

quem ê sr. Manuel Olimpio

Nôs enfermeiro cheio de bondade

El ta ba vila el ta pergunta

el ta sabê tude ses perícia

Ses grande habilidade

 

Sês mãozinha ê neve

Sim c’ma mãos de anjos

Ses palavra ê doce

Sim c’ma mel de abelha

 

El ê um poco picnim

Ma sê coração ê grande

Grande na tamanho

Grande na virtude

Sê coraçon

ta carrega quatro pombinha

Cada um preso

na sê compartimento

 

ó que el ta bai pa charuto

el ta marca compasso

q’sê chicotim na perna

tass tass tass tass

 

se pelinha ê preto

ma sê coraçon ê branco

talvez mas branco que face caiada

el ê mute roscon

ma nunca el ca foi presunçoso

sim c’ma um franguim

quel frango di catcho pelado

 

el ê sempre incansável

na sê profissão

el ê um maravilha na sê coração