Na tudo curba ou na ladêra

Mostrâ’m caminho, guiâ’m dritinho,

Pintchâ’m pâ riba, librâ’m di bêra,

Pô’m na solera di bom caminho.

Si bu sinti’m ta djongô cêdo,

Cordâ’m mansinho, dibagarinho,

Di bida cumprido contâ’m segrêdo,

Câ xâ’m durmi nem um poquinho.

Lembrâ’m quês tempo di minino

Tâ corrê arco, djugâ piom,

Ranjâ cretcheu, dâ’l tudo mimo,

Birâ rapaz, ar di roscon.

Hora qui bu odjâ’m na sucuro

Tira’m dês mundo, fazê’m munturo,

Barrê’m pa djunto d’ôto futuro.