Andorinha di mar largo

Qui bento di lialdade

Botabu n’ês passo amargo

N’ês nós terra di sodadi

Andorinha di mar largo

Qui bento di lialdade

Botabu n’ês passo amargo

N’ês nós terra di sodadi

Qui força ai qui bondadi

Guiabu n’ês caminho

Di bu bem, mata sodadi

Di nós terra, ai di nós ninho

Quem qui é nobu, tem ‘sperança

El tem graça, el tem fé

Mocidadi é mar di bonança

É luz qui Nhor Dés cendê

Quem qui é nobu, tem ‘sperança

El tem graça, el tem fé

Mocidadi é mar di bonança

É luz qui Nhor Dés cendê

A mi dja’m tem nha cudado

Dja’m tem nha cabelo branco

Mi é bedjo, mi é manco

Mi é um candia apagado

Andorinha di mar alto

Bu ‘sta di bolta pa casa

Triste é mi qui ‘sta falto

Di penas bibu na asa.